Shabab Online


 
الرئيسيةس .و .جبحـثالتسجيلدخول

شاطر | 
 

 شوف الكدب (صنف واحد اصلا)

اذهب الى الأسفل 
كاتب الموضوعرسالة
silent~princes
الزعيم
الزعيم
avatar

انثى
عدد الرسائل : 408
الموقع : www.ibrahimelfiky.com
نقاط : 79
تاريخ التسجيل : 19/09/2008

مُساهمةموضوع: شوف الكدب (صنف واحد اصلا)   29/9/2008, 7:50 am

(( فى الجامعة ))


هو - بحبك

هي = طيب

هو -باقولك بحبك

هي = أوكى عرفت خلاص

هو - يابنى ادمه انا بحبك بجد

هي = طب وانا اعمل ايه.؟

هو -حبينى زى مابحبك

هي = انا باعتبرك اخ وصديق ومابافكرش فيك غير كده

هو - انتى متحجرة الاحساس والمشاعر..تلاقى فيه حد تانى فى حياتك

هي = وهو لو انا ما حبيتكش يبقى بحب غيرك؟؟ تفكير غريب جدا

هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي

هي =لا وعلى ايه..خلاص ياسيدى ..اعتبرنا مرتبطين مؤقتا

هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر

--------------------------------------------------------------------------

(( فى البيت ))



هي = معقول يكون فيه حد ممكن يحبنى الحب دا كله؟؟
طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى

--------------------------------------------------------------------------

(( على التليفون ))



هو -عازمك النهارده على الغدا والسينما

هي = افندم؟؟

هو - ايه..كلامى غامض؟

هي = انا اسفه..ماقدرش اخرج معاك مادام علاقتنا مش رسمية

هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض

هي = مش هاينفع

هو - يبقى انتى مش بتحبينى

هي = طب قولى انت..لو انا اختك..هاترضى انى اخرج مع واحد تانى غريب؟

هو -( بغضب) لأ طبعا..دانا كنت قطمت رقبتك

هي = امال عايز تخرج معايا ليه؟

هو -آآه.. دى حاجه ودى حاجه تانيه

هي = هو انا مش بنت ناس برضه وليا أخ؟؟

هو - أنا مش هاثق فى أى حد تانى..لكن انا عارف نفسي وانتى عارفانى

هي = المبدأ واحد.. أخويا برضه ما يعرفكش

هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا

هي = وهو يا كده يا إما مش بحبك؟

هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟

هي = خلاص خلاص..أنا اسفه..بس اوعدنى انك مش هاتكررها تانى

هو - خليها لوقتها..هاستناكى قدام السينما الساعه 6 بالليل

--------------------------------------------------------------------------

(( فى البيت ))



هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هو اللى عملته ده صح ولا غلط؟
..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده

--------------------------------------------------------------------------

(( فى السينما ))


هي = انت مش قلتلى انه فيلم خيال علمى؟؟
دا طلع فيلم رومانسي

هو - حبيت اتفرج عليه انا وانتى..قصته رائعه..وكأنها اتعملتلنا

هي = ومالقيتش مكان أحسن من اخر صف فى القاعه؟

هو - أعمل ايه بس..جينا متاخرين والصفوف قدام كلها محجوزة

هي = الصاله شبه فاضيه..كلامك مش مريحنى

هو - ارجوكى بقى..احنا هانقلبها خناقه ولا ايه..عيشي معايا اللحظه

هي = ايه ده؟..ايه السفاله دى..ابعد ايدك عنى..انت بتعمل ايه؟

هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب

هي = انت اتجننت؟
والله لو ما لميت نفسك هافضحك فى السينما كلها

هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟

هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده

هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام

هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟

هي = حبك عاوزنى أكسر كل اللى اتربيت عليه

هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر

هي = أنا عارفه انك بتحبنى..وانا كمان بحبك...لكن...انا..مش


هو -بحبك وبحب كل حاجه فيكى..انتى جميله قوى

هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

--------------------------------------------------------------------------

(( فى البيت ))



هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..
يارب سامحنى أرجوك..ماقدرتش استحمل كل الضغط ده على اعصابى

--------------------------------------------------------------------------


(( فى الجامعة ))



هو - ها يا حبيبتى..تحبى نروح فين النهارده؟

هي = مش رايحه فى حته وكفايه بقى لحد كده؟؟

هو - ايه الكلام ده يا حياتى؟

هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه

هو - كلامك ده اكبر دليل انك مش بتحبينى

هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك

هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه

هي = بعد كل الابتزاز العاطفى ده؟؟

هو - ماحدش يقدر يجبر حد على حاجه..كان عندك مطلق الحرية انك ترفضى

هي = مع كل الضغط ده..ماكنتش قادره افكر

هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم

هي = انت حيوان بتمشيه رغباته..

هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك

ودي كانت نهاية كل بنت بتصدق ولد وتثق فيه اول ما يقول لها بحبك وده طبعا اكبر غلط

وياريت كل بنت تحافظ علي نفسها وتاخد بالها من نفسها ومش تثق في حد



بس لازم كله ياخد باله من نفسه




ده بقى رايى فى الولادوياريت اعرف رايكم انتو كمان يا بنات
تحياتى برنسس Like a Star @ heaven
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pretty girl
الزعيم
الزعيم
avatar

انثى
عدد الرسائل : 350
العمر : 23
نقاط : 17
تاريخ التسجيل : 15/09/2008

مُساهمةموضوع: رد: شوف الكدب (صنف واحد اصلا)   29/9/2008, 12:01 pm

صادقه يا برنسيس
كلامك كلو صح
ميرسي على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
silent~princes
الزعيم
الزعيم
avatar

انثى
عدد الرسائل : 408
الموقع : www.ibrahimelfiky.com
نقاط : 79
تاريخ التسجيل : 19/09/2008

مُساهمةموضوع: رد: شوف الكدب (صنف واحد اصلا)   29/9/2008, 4:13 pm

ميرسى على ردك ومرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
واحد من الناس
عضو جاااامد جدااااااااااا
عضو جاااامد جدااااااااااا
avatar

ذكر
عدد الرسائل : 149
العمر : 25
الموقع : Www.shababOn.tK
نقاط : 0
تاريخ التسجيل : 23/08/2008

مُساهمةموضوع: رد: شوف الكدب (صنف واحد اصلا)   29/9/2008, 5:31 pm

كلاااااااااااااامك صح بس

مش أي ولد كده

بدليل ان فيه اتنين بيحبوا وبيتجوزوا

وعنوان التوبيك صنف واحد !!!!!!!!!! ليه يعني

لو كل الرجالة كده يبقى انتوا حالكم هيقف وهتعنسوا

تقبلي مروري

بيييييييييس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
الزعيم
الزعيم
avatar

انثى
عدد الرسائل : 1039
العمر : 24
الموقع : My~Home!!
العمل/الترفيه : Writeing
زى الفل : بفكر ابقى زى الياسمين
نقاط : 189
تاريخ التسجيل : 08/09/2008

مُساهمةموضوع: رد: شوف الكدب (صنف واحد اصلا)   29/9/2008, 9:41 pm

شكرا لرايك الصريح يافيجو
بس العبارة هنا ان دلوقتى الولد يجى يقولها بحبك و مش عارفة ايه و عشان يتسلى بيها و يتمنظر بيها ادام اصحابه و ماتقولش مابيحصلش لا بيحصل كتتتتتتتتتتيررررررر و كتير جدا كمان عشان كده البنت لازم تاخد بالها من تصرفاتها
ولا اييييييييييييييه؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
واحد من الناس
عضو جاااامد جدااااااااااا
عضو جاااامد جدااااااااااا
avatar

ذكر
عدد الرسائل : 149
العمر : 25
الموقع : Www.shababOn.tK
نقاط : 0
تاريخ التسجيل : 23/08/2008

مُساهمةموضوع: رد: شوف الكدب (صنف واحد اصلا)   29/9/2008, 10:55 pm

FiRe Heart كتب:
شكرا لرايك الصريح يافيجو
بس العبارة هنا ان دلوقتى الولد يجى يقولها بحبك و مش عارفة ايه و عشان يتسلى بيها و يتمنظر بيها ادام اصحابه و ماتقولش مابيحصلش لا بيحصل كتتتتتتتتتتيررررررر و كتير جدا كمان عشان كده البنت لازم تاخد بالها من تصرفاتها
ولا اييييييييييييييه؟؟؟



والله كلاااااااااااااامك صح كلمة بحبك دي مش سهلة والحب لوكان كلمة ماكنش حد غلب في الحب لكن عليها بقا تكتشف الحب ده بييييييييييس


الحااااااااااااجة التانية البنت لازم تاخد بالها من تصرفاتها كلمة جميلة بيييييييييس

الحااااااااااجة التالتة كتيييييير جدا للأسف اه ودول مش بني ادمين دول حيوانات بييييييييييس

الحاجة الرابعة الحب من القلب للقلب بيييييييييس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عماد
الزعيم
الزعيم
avatar

ذكر
عدد الرسائل : 614
العمر : 30
العمل/الترفيه : العمل :- صحفي .... الترفيه :- قراءة اخبار الوطن العربي
زى الفل : زي الفل عند سماع اخبار الوضع الواقعي في الدنيا
نقاط : 0
تاريخ التسجيل : 02/09/2008

مُساهمةموضوع: رد: شوف الكدب (صنف واحد اصلا)   30/9/2008, 3:53 am

كلمة بحبك ما بتعبر ما في الداخل
كلمة بحبك يعبر عنها مش بالكلام بالفعل

يسلموووووووووووووYa princess على الموضوع
وتقبلي تواجدي ومروري وتحياتي واعجابي بالموضوع
دودي ((( عماد )))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
silent~princes
الزعيم
الزعيم
avatar

انثى
عدد الرسائل : 408
الموقع : www.ibrahimelfiky.com
نقاط : 79
تاريخ التسجيل : 19/09/2008

مُساهمةموضوع: رد: شوف الكدب (صنف واحد اصلا)   30/9/2008, 6:36 am

ميرسى على الردود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
YaSseR Ma'MoN
الزعيم
الزعيم
avatar

ذكر
عدد الرسائل : 931
العمل/الترفيه : رئيس جمهوريه (نفسى طبعا)
زى الفل : اشطه
نقاط : 3
تاريخ التسجيل : 06/08/2008

مُساهمةموضوع: رد: شوف الكدب (صنف واحد اصلا)   11/11/2008, 3:42 am

كلامك صح

بس
الحب لزم يكون بين الطرفين

مش من طرف واحد وهى او هو يقول ما انا هحبها بعدين
ده
غلط
وشكرا على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
silent~princes
الزعيم
الزعيم
avatar

انثى
عدد الرسائل : 408
الموقع : www.ibrahimelfiky.com
نقاط : 79
تاريخ التسجيل : 19/09/2008

مُساهمةموضوع: رد: شوف الكدب (صنف واحد اصلا)   3/2/2009, 6:14 am

ميرسى على الردود
بس كله كده
واحد من كل عشرة بس كويس
انما الباقى بيلعبو
وميرسى مرة تانية

_________________






It started in silent,staying in silent and the End will be in silent
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sara
لسه فى أول الطريق
لسه فى أول الطريق
avatar

انثى
عدد الرسائل : 35
العمر : 25
زى الفل : WITHOUT EXAMS
نقاط : -1
تاريخ التسجيل : 05/10/2008

مُساهمةموضوع: رد: شوف الكدب (صنف واحد اصلا)   8/2/2009, 2:35 am

حلوه اووي حكاية حب برئ دي يا برنسس ومع ان البنات كلها تعرف كل الحوارات دي بس للاسف بتتثبت وانا من راايي علشان الولد اللي من النوع ده يقف عند حده البنت تطنشه وتحسسه انو ولا حاجه"تحتقره" هيحترمها ومش هيتجرأ انو يفكر يكلمها مع احترااامي لكل الشباب طبعا بس انا بتكلم عن صنف معين 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
الزعيم
الزعيم
avatar

انثى
عدد الرسائل : 1039
العمر : 24
الموقع : My~Home!!
العمل/الترفيه : Writeing
زى الفل : بفكر ابقى زى الياسمين
نقاط : 189
تاريخ التسجيل : 08/09/2008

مُساهمةموضوع: رد: شوف الكدب (صنف واحد اصلا)   8/7/2009, 4:23 am

كلامك صح 100% يا ساره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوف الكدب (صنف واحد اصلا)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Shabab Online :: المنتدى العام :: منتدى المناقشه والحوار-
انتقل الى: