هاى عليكم يا شباب المنتدى
الشباب بس البنات لا
شوية نصايح كده على الماشى علشان كل واحد عايز يثبت بنوته يعرف الطريقه التماوووز يعنى
لازم تعمل فيها تامر حسنى و تبقى الشاب الروش طحن بنطلون ساقط و فاتح اول 15 زرار من القميص
ثانيا تجلجل شعرك و تجلجل انك تحط عليه جيل يعنى
و يا ريت لو تكتر الجيل و تخلى شعرك اكنك متكهرب
ثالثا لو قالتلك مش هكلمك و اتطتتت عليك تروح اى خماره تشرب منقوع البراطيش و تغنيلها انا تعبان من غيرك ارجعلى و راضى ضميرك
رابعا بقى و ياريت لو نركز فى رابعا ديه تغير كل يوم عربيه يوم مرسيدس و يوم بى ام و يوم جاجوار لو مش معاك بقى كده تركب عجله و تقولها انا شاب امريكى روش بحافظ على البيئه من التلوث
خامسا لما تيجى تتكلم تقولها بابى و مامى و تانت ميمى و تانت فيفى علشان تبقى الواد الجنتيل
سا لو مش مشترك فى نادى لازم تروح تشترك حتى لو فى الساحه الشعبيه او مركز شباب كفر البلاص المهم انك تكون عضو فى نادى
سابعا لو البنت مثقفه بقى تروح تجيب كتب ماركيز و رواية الحب فى زمن الكوليرا و تقرى لماركس و نيتشه و تمشى حافى الشارع ماسك كتاب فى ايدك بتقراه
ثامنا تروح تشترى كلب لولو او لو عايز تعمل فيها الشاب المتجرم تجيب كلب دوبر مان و تمشى بيه فى الشارع و تقولها انك اتبرعت ب 50 ميليون جنيه للكلب و لهيئة الرفق بالحيوان علشان تبان انك متحضر
تاسعا متتفرجش على الافلام العربى علشان متبقاش بيئه لازم اجنبى و بس و تشوفه من غير ترجمه علشان توريها ان انت خريج الجامعه الامريكيه قسم ضهر
عاشرا و اخيرا تنفض للحريم و تنفض لنفسك و بلاش وجع قلب لان مبيجيشمن وراهم غير الهم و الغم
يارب تكون النصايح مفيده بس علشان الشباب يتوعى كده و يبقى تماموووووووووز