moon light الزعيم
عدد الرسائل : 1039 العمر : 30 الموقع : My~Home!! العمل/الترفيه : Writeing زى الفل : بفكر ابقى زى الياسمين نقاط : 189 تاريخ التسجيل : 08/09/2008
| موضوع: ازاى ترخم على حبيبه قلبك...؟ 15/7/2009, 6:58 am | |
| أنا عارفه ان دا ضد البنات اللى انا منهم بس ياعنى انتو بردو اخواتى حبيابى ولازم افيدكو :D فـــل عليكو
تعالو نشوف بقى ازاى ممكن ترخم على حبيبه القلب
^ ^ ^ ^ ^ ^ ^ كل ماتتفقوا على ميعاد روحلها متأخر وسيبها تتلطع وتتذنب شوية وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟ قولها بستعلم بس عن الرصيد أو أى حجة هبلة يعنى
ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك
وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة ويلففك المصلحة كلها حتة حتة يبقى تمام أوى رجلها على رجلك لما تقولك أنا جالى عريس قولها أيه ده بجد ؟؟؟؟؟ هتقولك أيوة مستغرب كده ليه ؟؟؟ قولها هو فى حد لاقى عرسان اليومين دول على العموم ألف مبروك ياحبيبتى
لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة قولها أنا كمان رأيى من رأيهم , هتقولك رأيك إن أنت كمان موافق عليه ؟
قولها لأ إن أنتى عبيطة طبعا الغرض الأول من الحوارات دى إن هى تحرك حضرتك عشان تروح تتقدملها أعمل عبيط بقى ورد على قد اللى بتسمعه وبس
لو كنتوا فى نفس الجامعة بس كل واحد فى كلية وقاعدين سوا
كل ماتشوف واحدة معاك فى الكلية سيب حبيبتك وقوم أتكلم معاها بأى حجة ولما ترجع قولها كنت بسألها على حاجة مهمة عندنا فى الكلية ولما تشوف واحدة تانية قوم برضه أعمل نفس الحوار
ولما ترجع قولها أصل الأولى مكنتش عارفة فا سألت دى وهكذا لو هتدخلوا سينما هى طبعا عايزة تشوف فيلم رومانسى ولا حاجة أنت بقى أمسك فى إنك تختار فيلم كوميدى أو رعب لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك
اما لو دخلتوا رعب لو كنت بتحب أفلام الرعب ركز مع الفيلم ونفضلها برضه أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت فا الحل الوحيد تعمل إنك رايح عليك نومة بس لو معرفتش تنام من صوت الأكشن فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر
لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة وروح وصيه أنت بقى يزود الشطة على قد مايقدر ولما الأكل يجى قولها أنا كنت فاكرك بتقولى أى حاجة فيها شطة
لو فى مناسبة زى عيد ميلادها أو الفلانتين أو أى حاجة أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة وفجأة قولها ثانية واحدة ياحبيبتى هكلمك تانى فى حاجة مهمة
ومتسألش فيها باقى اليوم وضيع عليها المناسبة بعد كده لما تسألك السبب قولها أصل كان فى كليب أول مرة أشوفه أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى أى حجة رذلة تحرق الدم وخلاص
لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان قصدك يعنى إن الهدية قديمة ومش مالية عينك
ونفس الحوار فى مسجات الموبايل كل ماتبعتلك حاجة قولها اتبعتتلى قبل كده لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه
المهم إن أنا قريتها قبل كده حتى لو كنت أول مرة تشوفها فى حياتك مش بعيد هى بقى تألفلك مسج وتقولها شوفتها قبل كده وتبقى أتفقست يامعلم عادى برضه شككها فى نفسها وسوق فى الإستهبال
يلا يا شباب اى خدمه
| |
|
silent~princes الزعيم
عدد الرسائل : 408 الموقع : www.ibrahimelfiky.com نقاط : 79 تاريخ التسجيل : 19/09/2008
| موضوع: رد: ازاى ترخم على حبيبه قلبك...؟ 17/7/2009, 11:44 pm | |
| حرام عليكى يا شهووووووووووود ده مفيش بنت هتصبر على ولد بيعمل غير لو عبيطه وبتحبه ميرسى يا قمر على التوبيك | |
|
moon light الزعيم
عدد الرسائل : 1039 العمر : 30 الموقع : My~Home!! العمل/الترفيه : Writeing زى الفل : بفكر ابقى زى الياسمين نقاط : 189 تاريخ التسجيل : 08/09/2008
| موضوع: رد: ازاى ترخم على حبيبه قلبك...؟ 18/7/2009, 4:04 am | |
| هههههههه ماهى حتى لو عبيطه وتبحبو مش هتصبر لازم تفوقو ولا اييييييييييييه. | |
|
trust worthy man عضو جاااامد جدااااااااااا
عدد الرسائل : 148 العمر : 32 الموقع : wWw.sababt4.gid3an.com العمل/الترفيه : بدور على عروسة زى الفل : عايش حياتى ومزيكها نقاط : 5 تاريخ التسجيل : 07/11/2008
| موضوع: رد: ازاى ترخم على حبيبه قلبك...؟ 24/7/2009, 10:34 am | |
| طريقة جامدة بس مش هتهون عليا اعمل فيها كدة وبعدين دة انا عايز اعمل اى حاجة عشان تكون سعيدة اقوم انا احرق دمها طبعا نووووووووو | |
|
lovely boy لسه فى أول الطريق
عدد الرسائل : 12 العمر : 31 الموقع : lovely_boy00022@yahoo.com العمل/الترفيه : قراءه القصص الرومانسيه او مشاهده الافلام الرومانسيه نقاط : 14 تاريخ التسجيل : 15/04/2009
| موضوع: رد: ازاى ترخم على حبيبه قلبك...؟ 27/7/2009, 10:07 pm | |
| هههههههههههههههههههههههههههه لا طريقه جامده بس هيا فين بقى اللى هعمل فيها كده ميرسى اوى على الموضوع الجامد ده اوى تقبلى مرورى | |
|
moon light الزعيم
عدد الرسائل : 1039 العمر : 30 الموقع : My~Home!! العمل/الترفيه : Writeing زى الفل : بفكر ابقى زى الياسمين نقاط : 189 تاريخ التسجيل : 08/09/2008
| موضوع: رد: ازاى ترخم على حبيبه قلبك...؟ 28/7/2009, 11:02 pm | |
| | |
|