اهو الموضوع وارجو الردود وبجد الموضوع يستحق النقاش..............

اهو الموضوع وارجو الردود وبجد الموضوع يستحق النقاش

مبدأ من زمان حطيته لنفسى لما واحد اعرفه قالى انه مش بيحب المسيحين
لما سألته عن السبب قالى آهو كده وخلاص
ولم قولت له انت اتولد لقيت ابوك وامك مسلمين بقيت مسلم هوا اتولد من اب وام مسيحيين بقى مسيحى لا انت ولا هو ليك دخل فى دا ، ودا مش معناه انك وحش او هو وحش
فى إنسان كويس وفى إنسان وحش مش معنى انك مسلم تبقى وحش او انه مسيحى يبقى وحش
إتعامل مع الناس كلها على انهم بنى آدمين فيهم الكويس وفيهم الوحش وماتعممش غلطة حد على ان كل الناس وحشه
طبعا سابنى ومشى وشكله قال فى سره كلام ماينفعش يتقال .ساعتها فضلت افكر ليه فى ناس بيفكروا بالطريقة دى . جت منين فكرة انك ماتحبش واحد من غير سبب وانك تعمم ان كلهم وحيشن او ان كلهم فيهم كذا وكذا ...قولت احسن واحد اقدر اكلمه فى الموضوع دا هوا اعز صديق ليا
صديقى من زمان واحنا اكتر من الاخوات . مسيحى محترم بيحترمنى لشخصى وانا كمان
لما نكون فى رمضان ويبقى معانا لا يأكل ولا يشرب أمامنا حفاظاً على مشاعرنا مع إنه لو اكل او شرب محدش يقدر يلوم عليه لإن فى مسلمين - للأسف - مش بيصموا فى رمضان
ولو مثلا هناكل بره وانا عارف ان صحبى صايم ما اطلبش اكل هوا مش هيقدر ياكل منه وهوا يقول لنا عادى كلوا اللى انتوا عايزينه بس احنا لازم نراعى شعور بعض لإن هوا صحبى وبخاف على مشاعره
لما سألت صحبى ليه فيه مسافة كبيرة ساعات بين المسلمين والمسيحين فى مصر قالى الأسباب معقدة فى حاجات كتير . قالى مثلاً شوف المسلمين بره مصر بيحصل فيهم آيه ؟
!! قولت له بيطلع عنيهم فى حاجات كتير
قالى تعرف ليه ؟
قولت له إن ساعات الغرب بيبص لهم انهم بياخدوا فرص عمل اصحاب البلد وبعدين نظرة الارهاب المرتبطه بالمسلمين مزوده الموضوع سوء !!
قالى نسيت اهم حاجه " انهم أقلية فى البلد " والشعب بيتعامل معاهم على هذا الاساس .ان مهما اتعمل فيهم محدش هيقدر يفتح بقه ولو حد فتح بقه محدش هيسمعله ومش هيعملوا حاجه علشان كده المسلمين بره بيعمله آيه !!!!!بيلجأو انهم يتجمعوا فى مكان واحد قريبين من بعض يشاركوا بعض فى المناسبات ويقفوا جنب بعض فى المشاكل .
قالى هوا دا بالظبط اللى المسيحين فى مصر حاسين بيه بس المشكله ان تحس دا فى بلدك وانت وسط أهلك وحبيبابك يبقى شعورك آيه ساعتها
سكت صحبى عن الكلام ووقفت الساعة حاسيت ان الدنيا بقى لونها غريب ... فعلا احساسك آيه وانت فى بلدك وتحس انك غريب ومش من حقك تعيش فيها وانك غير مرغوب فيك فيها احساس الظلم وحش من اى حد ولأى سببب

الموضوع اهو من غير ما ازود فيه ولا حرف ولا كلمة
بجد موضوع يستحق النقاش وياريت الرد
يارب نعيش كلنا فى سلام ومحبة لإننا فى الآخر بنقول يارب
تحياتي

هوه انت هتلاقى كده وكده
يعنى فى مسلمين كويسين وفى لا
وفى مسحيين كويسين وفى لا
بس انا عن نفسى بعاملهم كلهم زى بعض
ومش مفروض الواحد يبص للدين علشان يتعامل مع اللى قدامه

وميرسى على الموضوع

مشكوره على الرد وفعلا انتي عندك حق الناس كلها كده وكده

كلنا بشر وكلنا مخلوقين من طينه واحدة
وما في فرق بينهم

يسلموووووووو محمود على الموضوع
وتقبل تواجدي ومروري وتحياتي لك واعجابي بالموضوع
دودي (( عماد ))

ماشي يا عمده ومشكور على الرد

يابنى مفيش فرق بين مسلم ومسيحى فى الاخر كلنا بشر
وفى مسيحيين وحشين وفي منهم الكويسين
والمسلمين بردوا فيى منهم الكويسين وفى منهم الوحشين
بس المهم انك بقيت واد صاحب مبادئ

على فكرة انا صحبتى الانتيم عند جدى مسحية بس بجد صدقونى والله المسحين رغم قلتهم 80%منهم كويسين انا عشرت مسحين كتير ميرسى على الموضوع الشيق ده(انجى)

انا اساسا مش بحب افرق بين اى حد حتى لو كان مسلم او مسيحي
وبحب اعملهم كلهم زى بعض وانا جارتى مسيحيه وبعاملها زى صحبتى
وعالعموم الموضوع عجبنى اوى ميرسي على الموضوع يا تيتنك

مشكورين يا جماعه على الردود

هوا في ناس تفتكر ان من التدين مش تتعامل مع ناس من غير ملتها ....وإنهم كده نجااسه
أو انه يكون فهمها للإسلام غلط ... أو ممكن يكون عنصريه على الفاااضي

بس كله ممكن يتجمع تحت بند واحد وهوا الجهل
ونفس الحكاية بالنسبه للمسيحين ماهو زي ما موجود في المسلمين ناس كده في بردو في المسيحين نفس الموضوع

وميرسي ليك

[quote][b][i]انا بقول ان الانسان هوه الزى يجبرك على المعمله كانت حلوه او... ولكن فى مسلمين حلوين و وحشين والعكس المسحيين ولكن زى ما قولت يا محمود هما الشباب ملهمش زنب فى زالك وشكر يا دوووووووووووووووووووبا على الموضع الجامد ده

ميرسي يا ماوي ويا ساره على الردود

الموضوع ومافيه ان فيه ناس غريبه جدا فى اعتقادها ان المسحين مع احترامى يعنى ناس وحشه جدا بس بالعكس ودل ناس زى كل الناس فى منهم كويس ف=وفى منهم مش كويس يعنى انا مثلا من صغرى وانا اعرف بنت ولحد دلوقتى اصحاب واغز اصحاب كمان

دا كلام كبير اوى اوى
يا تيتنك
بس اكيد الموضوع ده خلص من زمان

مافيش فرق بين مسلم ومسيحى

كلنا مصرين
(الدين الله والوطن للجميع)ش

شوفتوا كلام ياسر الوطنى

الاول مشكور تايتنك على فكرتك مناقشة موضوع مهم زى دة بس بالنسبة للتعامل بيختلف من
شخص لأخر ودة بيرجع لثقافة وتعليم الشخص وطبعا انت مش هتغير الناس كلها بس انت
قابلت زميلك باقناع خاطىء جدااااااا وكانش لازم تقول حاجة زى كدة لان لو زى مانت
بتقول كدة يبقى احنا كلنا مسلمين فى البطاقة لان الدين مش بيبقى وراثة زى مانت بتقول زى
ماتولدت لقيت ولدك مسيحى تبقى انت مسيحى اوكى ماشى بس دة مؤقت فى مرحلة الطفولة
لكن بعد كدة انت هتكون راجل وبشخصية مستقلة وفى اللحظة دى انت تقدر تفكر وتشوف ا
لادلة الاكبر وتحدد كويس الاسلام او غيرة بعد كدة بقى التعامل بيرجع للشخص نفسة مش لدينة
....................................................

thanks ........... ahmed sadek

شكرا تيتنك ع الموضوع دة بس بالعكس انا عرفت مسحيين كتير من صغيرين لغاية النهاردة واحنا اصحاب وناس بجد محترمة وذوق كتير ومفيش فرق بين مسلم ومسيحى كلنا واحد يا جماعة

مشكورين يا جماعه على الردود